Avataaneersunik niueqateqarneq
Titartakkami 4.1-imi takuneqarsinnaavoq avataanit eqqussuinerup avataanullu annissuinerup BNP-mut sanilliunnera 2006-imiit 2015 ilanngullugu. Tassani takuneqarsinnaavoq avataanit eqqussuineq avammut niuernermiit BNP-mut sanilliullugu annertunerungaatsiartarsimasoq, ukiunili kingullerni annikilliartulersimasoq.
Titartagaq 4.1. Nioqqutissanik eqqussuinerup annissuinerullu BNP-mut sanilliunnerat, akit ingerlaavartut
Malugiuk: 2006-2013-imi kisitsisit inaarutaasuupput, 2014-2015-imili kisitsigallarnerullutik.
Najoqqutaq: Naatsorsueqqissaartarfik, http://bank.stat.gl/nrn11
2009-mi avataanit niueqateqarneq annikilleriarpoq, tamannali 2010-mi mumippoq. Avataanit eqqussuinerup nioqqutissanut kiffartuussissutinullu agguataarnera qiviaraanni takuneqarsinnaavoq, avataanit eqqussuinerup qaffariarujussuarneranut peqqutaanerpaasoq kiffartuussissutit avataani pisiarineqartut annertusinerat. Avataanit kiffartuussissutinik pisiortorneq pingaarnertut uuliasiulersinnaanermut misissueqqissaarnermi aningaasaliinermit aallaaveqarpoq, tamakkulu suliffeqarfinnit avataaneersunit suliarineqarput, taamaammallu avataanit eqqussuinertut isigineqarlutik.
Titartagaq 4.2. Nunanik allanik niueqateqarneq, akit ingerlaavartut
Malugiuk: 2006-2013-imi kisitsisit inaarutaasuupput, 2014-2015-imili kisitsigallarnerullutik.
Najoqqutaq: Naatsorsueqqissaartarfik, http://bank.stat.gl/nrn01
Titartakkami 4.3-mi takutinneqarpoq piffissami 2006-imiit 2015-imut, nunanik allanik niueqateqarnermi akit nikingassutaasa ineriartornerat. Nunanik allanik niueqateqarnermi akit nikingassutaat naatsorsorneqartarpoq avammut tunisat nalingisa ineriartornerat avataanit eqqussukkat akiisa ineriartornerannik agguarlugu, taamaalilluni takuneqarsinnaanngortarpoq nunap iluani tunisassiat akiisa nunat allat tunisassiaasa akiinut unammillersinnaassusaat.
Titartagaq 4.3. Nunanik allanik niueqateqarnermi akit nikingassutaat
Malugiuk: 2006-2013-imi kisitsisit inaarutaasuupput, 2014-2015-imili kisitsigallarnerullutik.
Najoqqutaq: Naatsorsueqqissaartarfik, http://bank.stat.gl/nrn12